قومی اسمبلی میں تحریک انصاف کا احتجاج ،ہنگامہ ، گولی کیوں چلائی کےنعروں کی گونج، سپیکربرہم

اسلام آباد ( آن لائن ) قومی اسمبلی میں تحریک انصاف کا احتجاج ‘ ہنگامہ اور نعرے بازی بدھ کو بھی جاری رہی ،ایوان میں ’’گولی کیوں چلائی ‘‘کےنعروں کی گونج بھی سنائی دی جس پر سپیکر نے برہمی کا اظہارکیا،آغا رفیع اللہ نے کہا کہ اپوزیشن کو روز اووو اووو کی بیماری ہوگئی ہے سپیکر صاحب ان کی بیماری کا علاج کریں۔وزیر قانون اعظم نذیر تارڑ نے کہا کہ جناب سپیکر ان کو روکیں یہ غیر مناسب احتجاج ہے ۔ سپیکر قومی اسمبلی ایاز صادق نے آبزرویشن دی کہ طے ہوا تھا کہ کوئی نقط اعتراض اور کورم کی نشان دہی وقفہ سوالات کے دوران نہیں ہوگی ‘اب ایسا کرکے وعدے کی خلاف ورزی کررہے ہیں ‘میں نقطہ اعتراض کی اجازت نہیں دوں گا ‘ان کو عوامی مسائل سے کوئی دلچسپی نہیں ہے۔ایوان میں گولی کیوں چلائی کے نعروں کی گونج بھی سنادی ۔وزیر قانون اعظم نذیر تارڑ نے کہا کہ جناب سپیکر ان کو روکیں یہ غیر مناسب احتجاج ہے ۔فوٹو گرافی کا شعبہ انہوں نے سنبھال لیا ہے ‘کم از کم ان کو ویڈیو گرافی سے روکیں۔ وزیر پارلیمانی امور نے اپوزیشن کے سیلفیوں، فوٹیجز بنانے پر اظہار افسوس کیا۔ وزیرقانون نے کہا کہ یہ پارلیمانی آداب کے مطابق تو ایوان کو چلنے نہیں دے رہے مگر کم از کم اس طرح کی فوٹیجز کو روکا جائے۔سپیکر نے جواب دیا کہ رکن قومی اسمبلی حمید صاحب نے مجھ سے کرم کی بات کرنے کی استدعا کی ہے۔حمید حسین نے کرم کی بات کرنے کی بجائے واک آؤٹ کردیا۔یہ عوامی ایشوز کے بجائے اس طرح کی سیاست کرنا چاہتے ہیں، ایاز صادق احتجاج پر برہم ہوگئے اور کہا کہ اویس لغاری صاحب آپ کی تعریف ہورہی ہے بجلی کی قیمت بھی کم کرادیں۔