ہم مذاکرات کی میز پر ہیں تو ذمہ داری سے کام لیا جائے،یاسمین راشد

لاہور(صباح نیوز) تحریکِ انصاف کی رہنما ڈاکٹر یاسمین راشد نے کہا ہے کہ ہم مذاکرات کی میز پر ہیں تو ذمہ داری سے کام لیا جائے،9مئی اور26نومبر کے جوڈیشل کمیشن کی تحقیقات سے سچائی سامنے آئے گی،26ویں ترمیم کے بعد مایوسی بڑھی ہے ۔لاہور میں میڈیا سے غیر رسمی گفتگو کرتے ہوئے انہوں نے کہا کہ سینیٹر اعجاز چوہدری کے پروڈکشن آرڈر پر پنجاب حکومت نے عمل نہیں کیا، حکومت کا اقدام ظاہر کرتا ہے کہ یہ لوگ آئین کی کوئی عزت نہیں کرتے۔انہوں نے کہا کہ 9 مئی اور 26 نومبر کے جوڈیشل کمیشن کی تحقیقات سے سچائی سامنے آئے گی ہم 9 مئی اور 26 نومبر کے واقعات پر جوڈیشل کمیشن کا سامنا کرنے کے لئے تیار ہیں۔ا نہوں نے کہا کہ نوجوانوں کو پاکستان میں کوئی مستقبل نظر نہیں آ رہا، 26 ویں ترمیم کے بعد مایوسی بڑھی ہے۔