ایک سال میں 12ارب روپے سے زائد کی بجلی چوری کا انکشاف

اسلام آباد (آئی این پی) گزشتہ سال 2024ء کے دوران12ارب48کروڑ50لاکھ روپے کی بجلی چوری کا انکشاف ہوا ہے۔وزارت توانائی نے 2024ء میں بجلی چوری سے متعلق تفصیلات قومی اسمبلی میں پیش کر دیں جس میں اربوں روپے کی بجلی چوری کا انکشاف کیا گیا ہے۔ پیش کی گئیں دستاویز کے مطابق بجلی چور صارفین سے 5 ارب 83 کروڑ وصول کر لئے گئے جبکہ بجلی چوری کے خلاف 2 لاکھ 16 ہزار ایف آئی آرز کا اندراج کیا گیا۔ دستاویز میں بتایا گیا کہ انسداد بجلی چوری مہم کے دوران 62 ہزار 452 بجلی چوروں کو گرفتار کیا گیا جبکہ بجلی چوری سے نمٹنے کے لئے پہلے مرحلے میں پیسکو میں ڈی ایس او یونٹ قائم کر دیا گیا۔