گوتم اڈانی کی دنیا کے سب سے بڑے 20 امیر ترین افراد میں سے باہر ہونے کے بعد ڈرامائی واپسی

کراچی(نصر اقبال/اسٹاف رپورٹر) اڈانی گروپ کے چیئرمین گوتم اڈانی نے پیر کو دنیا کے سب سے بڑے 20 امیر ترین افراد میں سے باہر ہونے کے بعد ڈرامائی واپسی کی، منگل کو ان کی مجموعی مالیت میں $7.47 بلین (تقریباً 6,46,29,31,95,000 روپے) کی حیرت انگیز چھلانگ دکھائی دی ،جس سے وہ اشرافیہ میں واپس آ گئے۔ بلومبرگ بلینیئرز انڈیکس کے مطابق اڈانی گروپ کی مجموعی مالیت 73.5 ارب ڈالر تک بڑھ گئی، جس سے وہ عالمی ارب پتیوں میں سب سے زیادہ کمانے والا گروپ بن گیا۔اس تیزی سے صحت مندی کی جانب لوٹنے کا عمل پیر کو ان کی دولت میں زبردست کمی کے بعد ہوا۔ منگل کے فوائد کے باوجود اڈانی گروپ کی مالیت اب بھی 5.24 بلین کے نقصان کو ظاہر کرتی ہے۔ منگل کواڈانی گروپ کے مالی اسٹاک میں قابل ذکر اضافہ دیکھنے میں آیا جس میں اڈانی پاور19.77فیصد، اڈانی گرین انرجی 13.22 فیصد، اڈانی انرجی سلوشنز 12.06 فیصد، اڈانی انٹرپرائزز 7.12 فیصد، اڈانی ٹوٹل گیس اور6.52جبکہ این ڈی ٹی وی کے فوائد میں6.49فیصد مالی اضافہ ہوا۔