عقیدہ ختم نبوت کے تحفظ کیلئےمیدان عمل میں نکلنا ہوگا،علماء

لاہور(خبرنگار)عالمی مجلس تحفظ ختم نبوت کے زیراہتمام ختم نبوت کانفرنس مرکزی عیدگاہ کھارہ کھوہ روڈ بھسین میں مولانا محمدحنیف، میاں رضوان نفیس کی صدارت میں ہوئی ،مولانا اللہ وسایا، مولانا محمدامجد خان، مولانا محمدیوسف خا ن مولانا مفتی محمداعجاز، مولانا عزیز الرحمن ثانی، مولانا قاری علیم الدین شاکر، س مولانا نورمحمدہزاروی م مولانا عبدالنعیم، مولانا محمدقاسم گجر، عبدالواھد قریشی، مولانا خالد محمود، مولاناسعید وقار، قاری ظہورالحق، مولانا عبدالعزیز، محمدارشاد، قاری محمدبشیر اوردیگرعلماء کرام نے شرکت کی ۔ مقررین نے کہا کہ عقیدہ ختم نبوت اور ناموس رسالت کا تحفظ ہرمسلمان کی ذمہ داری اورمذہبی فریضہ ہے۔تمام مسلمانوں کو اسلام اور عقیدہ ختم نبوت کے تحفظ کے لیے جذبہ صدیقی سے سرشار ہوکرمیدان عمل میں نکلنا ہوگا۔ مولانا اللہ وسایا نے کہا کہ قادیانی فتنے کا خاتمہ قریب ہے مولانا یوسف خان نے کہا کہ عقیدۂ ختم نبوت کا دفاع کرنے والے ہر وقت اسلام کی افضل ترین عبادت میں مصروف ہیں۔