چوک سرور شہید، مسلح افراد کا انسپکٹرسپیشل برانچ پر حملہ، پولیس افسر شدید زخمی

چوک سرورشہید (نامہ نگار) پانچ مسلح ڈنڈے سوٹے بردار افراد کا انسپکٹرسپیشل برانچ پولیس غلام رسول بھنگڑ پر حملہ، شدید زخمی، تفصیل کے مطابق چوک سرورشہید کے نواحی علاقہ عزیز چوک کے رہائشی سپیشل برانچ پولیس انسپکٹر غلام رسول بھنگڑ پرجو کہ گھر چھٹی آئے ہوئے تھے گزشتہ روز عزیز چوک اڈہ پر پانچ مسلح ڈنڈے سوٹے بردار افراد نے حملہ کردیا، زخمی انسپکٹر کے بھائی ذکاء اللہ کے مطابق دو ملزمان اسلحہ لئے کھڑے رہے جب کہ تین نے ڈنڈو ں سوٹو ں کے پے درپے وار کرکے پولیس انسپکٹر کو شدید زخمی کردیا جنہیں انتہائی تشویشنا ک حالت ٹی ایچ کیو ہسپتال چوک سرورشہید لایا گیا جہاں پر ڈاکٹر وں نے ابتدائی طبی امداد کے بعد حالت تشویشنا ک ہونے پر نشتر ہسپتال ملتان داخل کرادیا ، وقوعہ ذاتی دشمنی کا شاخسانہ بتایا جا رہا ہے۔