میلسی، ڈکیتی کی مختلف وارداتوں میں شہری مو بائل فون اور نقدی سے محروم ،دو جواری گرفتار

میلسی (نامہ نگار) نامعلوم ڈاکوئوں نے دورھٹہ کے رہائشی محمد حسن سے ٹول ٹیکس کے قریب مو بائل فون اور 12 ہزار روپے جب کہ محلہ رسول پورہ کے محمد زاہد کے حمام میں داخل ہو کر اس سے اسلحے کے زور پرمو بائل اور 5 ہزار چھین لیے اور فرار ہو گئے، پولیس تھانہ سٹی نے مقدمات درج کر لیے، علاوہ ازیں پولیس نےجوا کھیلنے والے دو افراد رضا عباس اور عبدالرزاق کو گرفتار کر لیا اور داؤ لگی رقم 1820 روپے اور دو موٹر سائیکل تحویل میں لے لیے جب کہ ان کےساتھی موقع سے فرار ہو گئے، دوسری جانب سٹی پولیس نے میلسی شہر کے منشیات فروش ثمر عباس کو رنگے ہاتھوں اس وقت گرفتار کر لیا جب وہ ہیروئن فروخت کر رہا تھا، پولیس نے ایک کلو 300 گرام ہیروئن برآمد کر کے ملزم کے خلاف مقدمہ درج کر لیا۔