جنید اکبر کا خیبر پختونخوا میں سزا و جزا کا عمل لانے کا اعلان

پشاور (این این آئی) پاکستان تحریک انصاف خیبرپختونخوا کے صدر جنید اکبر نے صوابی میں پہلے بڑے جلسے کے بعد پارٹی میں سزاو جزا کا عمل لانے کا اعلان کر دیا۔ جنید اکبر نے بڑا اعلان کرتے ہوئے کہا کہ پارٹی کیلئے محنت کرنے اور نہ کرنے والوں کی اب نشاہدہی ہوگی۔ گزشتہ روز ہونے والے صوابی جلسے میں کون کتنے ورکرز لے کر آیا؟ صوبائی صدر نے اس حوالے سے بھی رپورٹ مرتب کرنے کی ہدایت کر دی۔ پی ٹی آئی خیبرپختونخوا کے صدر جنید اکبر کا کہنا تھا کہ تمام ضلعی اور تحصیل کے صدور تین دن کے اندر رپورٹ جمع کریں۔ رپورٹ کو نہ صرف بانی پی ٹی آئی عمران خان کو بھیجا جائے گا بلکہ اسے سوشل میڈیا پر بھی شیئر کیا جائے گا۔ جنید اکبر نے کہا کہ پارٹی میں سزا اور جزا کا عمل لانے والا ہوں، اب ایسا نہیں چلے گا کہ کوئی محنت کرے اور کوئی نہ کرے۔