کراچی ، اسٹوڈنٹ ویزوں کے 16 مسافروں سمیت ایک دن میں 57افراد آف لوڈ

کراچی( افضل ندیم ڈوگر )کراچی ایئرپورٹ پر امیگریشن حکام نے ایک دن میں اسٹوڈنٹ ویزہ کے 16 مسافروں سمیت 57 افراد کو پروازوں سے آف لوڈ کر دیا۔ امیگریشن ذرائع کے مطابق بین الاقوامی سفر سے روکے گئے افراد میں 10عمرہ زائرین بھی شامل ہیں جنہیں ایڈوانس ہوٹل بکنگ اور اخراجات کیلئے مناسب رقم نہ ہونے پر جانے سے روکا گیا۔ عمان، سعودی عرب، جرمنی، قبرص، ملائشیا، تھائی لینڈ، قطر، انڈونیشیا، کمبوڈیا، ترکی، ساؤتھ افریقہ، برطانیہ اور سری لنکا جاتے ہوئے ورک ویزا کے 7 اور وزٹ ویزا کے 21 مسافروں کو آف لوڈ کرکے گھر بھیج دیا گیا۔