عمرہ زائرین کیلئے پولیو سے بچاؤ کی ویکسین لازمی، وزارت مذہبی امور

اسلام آ باد ( نیوز رپورٹر) تر جمان وزارت مذہبی امور نے ایک بیان میں عمرہ زائرین،عمرہ آپریٹرز اور ایئرلائن دفاترپر واضح کیا ہے کہ سعودی ادارے جنرل اتھارٹی آف سول ایوی ایشن (GACA) کے مراسلے کے مطابق پاکستان سے سعودی عرب روانہ ہونے والے عمرہ زائرین کے لئے پولیو سے بچاؤ کی ویکسین لازمی ہے۔ سعودی عرب روانگی سے کم از کم 4 ہفتے قبل پولیو ویکسین حاصل کر کے سرٹیفکیٹ لازمی اپنے ہمراہ رکھیں۔ نیز روانگی کے وقت ویکسی نیشن کے عمل کو 6 ماہ سے زیادہ عرصہ نہیں ہونا چاہیے۔خلاف ورزی کی صورت میں متعلقہ اداروں کے خلاف قانونی کارروائی عمل میں لائی جا سکتی ہے۔