بشریٰ بی بی کو راولپنڈی کے 10 مقدمات میں شامل تفتیش کر لیا گیا

راولپنڈی(نیوز ایجنسیاں)راولپنڈی ڈویژن میں بانی پی ٹی آئی عمران خان کی اہلیہ بشری بی بیٰ کے خلاف 24 سے 26 نومبر کے احتجاج پر درج 31 مقدمات کا معاملے میں عدالتی حکم پر 10 مقدمات میں شامل تفتیش کرلیا گیا۔ میڈیا رپورٹس کے مطابق سابق وزیراعظم عمران خان کی اہلیہ بشری بی بیٰ کو عدالت کے حکم پر آج مقدمات میں شامل تفتیش کیا گیا۔ راولپنڈی کے 10 مقدمات کے 6 جبکہ چکوال میں مقدمے کے تفتیشی افسران اڈیالہ جیل پہنچے، انسپکٹر راجا افتخار، محمد افضل، راشد کیانی، حسنین، یعقوب شاہ، ممتاز، انسپکٹر علی اڈیالہ جیل میں موجود تھے۔ دوسری جانب، بشری بی بیٰ کے وکلا بیرسٹر سلمان صفدر، فیصل ملک،حسین مرتضی سنبل بھی اڈیالہ جیل بھی موجود رہے۔