NFCایوارڈ ، پہلی ششماہی میں صوبوں کو 3339ارب22کروڑ منتقل

اسلام آباد( تنویر ہاشمی ، کامرس رپور ٹر )این ایف سی ایوارڈ کے تحت رواں مالی سال2024-25 کی پہلی ششماہی ( جولائی تا دسمبر )میں وفاق کی جانب سے صوبوں کومجموعی طورپر3339ارب22کروڑ30لاکھ روپے کے فنڈز منتقل کر دیئے گئے ہیں جبکہ گزشتہ برس اس عرصے میں2435ارب34کروڑ90لاکھ روپے منتقل کیے گئے تھے ، اس طرح پہلے چھ ماہ میں گزشتہ سال کے مقابلے میں 904ارب ارب روپے زیادہ فراہم ہوئے ہیں ، وزارت خزانہ کی مالیاتی رپورٹ کے مطابق رواں مالی سال کے پہلے چھ ماہ میں صوبہ پنجاب کو 1644ارب92کروڑ50لاکھ روپے ، صوبہ سندھ کو 842ارب24کروڑ60لاکھ روپے ، صوبہ خیبرپختونخوا کو 544ارب16کروڑ70لاکھ روپے اور صوبہ بلوچستان کو 307ارب88کروڑ50لاکھ روپے فراہم کیے گئے ہیں ، گزشتہ مالی سال کی پہلی ششمائی میں پنجاب کو 1189ارب69کروڑ60لاکھ روپے ، سندھ کو 602 ارب40کروڑ90لاکھ روپے ، خیبرپختونخوا کو 405ارب پانچ کروڑ90لاکھ روپے اور بلوچستان کو 238 ارب18کروڑ50لاکھ روپے فراہم کیے گئے تھے ۔