کاربن مارکیٹ پالیسی کے قواعد کا جائزہ لینے کیلئے کمیٹی تشکیل

اسلام آباد (ساجد چوہدری )وزارت موسمیاتی تبدیلی نے کاربن مارکیٹ پالیسی کے قواعد کا جائزہ لینے کیلئے ماہرین کے گروپ پر مشتمل ہائی پروفائل کمیٹی تشکیل دیدی ، کمیٹی کاربن مارکیٹس میں تجارت کے لئے مجوزہ مسودہ کے قواعد کا جائزہ لے گی ، وزارت پالیسی قواعد کو تمام اسٹیک ہولڈرز سے مشاورت کے بعد حتمی شکل دے گی، قواعد کو حتمی شکل دے کر وزیراعظم سے منظوری لی جائے گی ، کمیٹی کنوینر جوائنٹ سیکرٹری وزارت موسمیاتی تبدیلی کی زیرِ صدارت 24 رکنی ممبران پر مشتمل ہو گی ، کمیٹی ممبران میں جوائنٹ سیکرٹری وزارت تجارت، وزارت خزانہ ، چاروں صوبوں کے پلاننگ کمیشن سے نمائندے، کاربن مارکیٹ ماہرین، کلائمٹ فنانس آفیسر، اے ڈی بی، ورلڈ بینک ، سینئر ماہر معاشیات سمیت نجی سیکٹر کے نمائندے بھی شامل ہیں۔