گولڈ مارکیٹ :سونا فی تولہ 4ہزار وپے مہنگا

کراچی ( اسٹاف رپورٹر)گولڈ مارکیٹ، سونے کی قیمت میں 4 ہزار روپے فی تولہ کااضافہ،چاندی بھی 43 روپے فی تولہ مہنگی ہو گئی، تفصیلات کے مطابق عالمی مارکیٹ میں سونے کی قیمت 42 ڈالر فی اونس کے اضافے سے 2861 ڈالر سے بڑھ کر 2903 روپے فی اونس ہو گئی ہے ،عالمی مارکیٹ میں اضافے کی وجہ سے مقامی مارکیٹ میں بھی سونے کی قیمت 4000 روپے فی تولہ کے اضافے سے 3 لاکھ 3 ہزار روپے فی تولہ اور 10 گرام سونے کی قیمت 3429 روپے کے اضافے سے 2 لاکھ 59 ہزار 773 روپے پر پہنچ گئی ہے جو کہ ایک نیا ریکارڈ ہے جبکہ چاندی کی قیمت 43 روپے فی تولہ کے اضافے سے 3373 روپے ہو گئی ہے۔