زمینی کٹائو کے تدارک کیلئے ریگ بندی کے منصوبے تجویز کئےجائیں،سیکرٹری جنگلا ت کی ہدایت

کوئٹہ(اسٹاف رپورٹر )سیکرٹری جنگلات و جنگلی حیات عبدالفتح بھنگر نے کہا ہے کہ درخت لگانا صدقہ جاریہ ہے۔ شجر کاری مہم میں بڑھ چڑھ کر حصہ لینے کی ضرورت ہے ان خیالات کا اظہار انہوں نے محکمہ جنگلات شعبہ تحفظ اراضیات کے دورے اور شجر کاری کے سلسلے میں درخت لگانے کے موقع پر گفتگو میں کہی اس موقع پر سوائل کنزرویشن ونگ کے افسران مسرور جمال کاکڑ سراج احمد مینگل ائریکٹر سوائل کنزرویشن فاریسٹری ونگ کے نذیر احمد کرد کنزرویٹر رخشان ڈویژن بھی موجود تھے ۔سیکرٹری نے کہا کہ شجر کاری مہم ے دوران جتنے زیادہ درخت لگائے جائیں گے آنے والی نسلوں کو اتنا ہی زیادہ تحفظ اور ذہنی و جسمانی صحت کی ضمانت ملے گی۔ بلوچستان کا 29فیصد رقبہ صحرا پر مشتمل ہے جس پر ریگ بندی کے منصوبے بناناچاہئیں تا کہ بنی نوع انسان کو صحرا سے فائدہ ہو سکے ۔ انہوں نے ہدایت کی کہ زمینی کٹائو سے ہونیوالے نقصانات کےتدارک کیلئے فوری طور پر ریگ بندی کے منصوبے تجویز کئے جائیں ۔