قلعہ سیف اللہ ‘ نصرالدین غبرگی کے ترقیاتی منصوبوں میں تاخیربرداشت نہیں

قلعہ سیف اللہ( نامہ نگار)نصر الدین غبرگی وائلڈ لائف اینڈ انوائرمینٹل کنزرویشن سوسائٹی کے جنرل سیکرٹری و دیگر عہدیداروں نے پریس کانفرنس کرتے ہوئے کہا کہ نصرالدین غبرگی کے لئے گزشتہ سال جون میں اسکیمیں منظور ہوئی تھیں بدقسمتی سے 8 ماہ گزرنے کے باجود تاحال ترقیاتی کام شروع نہیں ہوا ۔ ترقیاتی منصوبوں کی ٹینڈر کوئٹہ میں بھی ہوگئے تھے نصرالدین غبرگی کے لئے جو رقم وائلڈ لائف کی مد میں ملی تھی وہ افسران و ٹھیکیدار کی ملی بھگت سے اے جی آفس سے نکلوا لی گئی ہے مگر کام تاحال شروع نہیں ہو سکا ۔ انہوں نے کہا کہ ہم وزیراعلیٰ بلوچستان میر سرفراز بگٹی، سیکرٹری جنگلات و وائلڈ لائف سے مطالبہ کرتے ہیں کہ وہ فوری طور پر صورتحال کا نوٹس لیں اور منظور شدہ اسکیموں پر جلد ترقیاتی کام شروع کیا جائے انہوں نے کہا کہ ترقیاتی منصوبوں میں مزید تاخیر کسی صورت برداشت نہیں کی جائیگی اور عدالت سے رجوع کریں گے نصرالدین غبرگی سیر و تفریح کے لے ایک بہترین مقام ہے مگر یہاں ترقیاتی منصوبوں میں تاخیر سمجھ سے بالاتر ہے۔