قلات: ضلعی انتظامیہ کی زیر نگرانی بارہ روزہ بگ کیچ اپ مہم کا افتتاح

قلات(نامہ نگار) ضلعی انتظامیہ کی زیر نگرانی محکمہ صحت ڈبلیو ایچ او یونیسیف کی جانب سے حفاظتی ٹیکوں کی 12 روزہ بگ کیچ اپ مہم کا افتتاح ‘ پیدائش سے لیکر 59 ماہ تک کے بچوں کو 12 مہلک بیماریوں سے بچاؤ کے مفت حفاظتی ٹیکے لگائے جائیں گے مہم 17 فروری سے 28 فروری تک جاری رہے گی افتتاح کے موقع پر ایڈیشنل ڈپٹی کمشنر ریو نیو شاہنواز بلوچ، ڈپٹی ڈی ایچ او ڈاکٹر محمد اقبال نورزئی، ڈبلیو ایچ او قلات پولیو کے ایمیونائزیشن آفیسر ڈاکٹر نوروز بلوچ ، ای پی آئی کے ایم اینڈ ای آفیسر میر محمد بلال مینگل ، ویکسینیٹر محمد اقبال نوشیروانی اور دیگر موجود تھے اے ڈی سی ریونیو شاہنواز بلوچ نے کہاکہ بچوں کو مختلف بیماریوں سے بچانے کے لئے حفاظتی ٹیکے لگوانا لازمی ہے اس سلسلے میں لوگوں میں شعور اجاگر کرنے کی اشد ضرورت ہے۔