کوئٹہ میں چیمپئنزٹرافی کی رونمائی کی تقریب، عوام کو مدعو نہیں کیا گیا

کوئٹہ( این این آئی) کوئٹہ میں چیمپئنز ٹرافی کی رو نمائی کی تقریب ، سیکورٹی وجوہات کے باعث عوام کو مدعو نہیں کیا گیا۔ جمعہ کی شپ کوئٹہ کے نجی ہوٹل میں پاکستان اسپورٹس بورڈ کے زیر اہتمام چیمپینز ٹرافی کی رونمائی کی تقریب کا انعقاد کیا گیا ۔ اس موقع پر ڈسٹرکٹ کوئٹہ کرکٹ ایسو ایشن کے صدر اسد علی ترین نے میڈیا سے گفتگو کر تے ہوئے کہاکہ پاکستان میں چیمپئنز ٹرافی پہلی مرتبہ ہونے جارہی ہے جوخوش آئند ہے چیمپئنز ٹرافی پورے پاکستان میں گھومائی جائیگی ہماری کوشس تھی یہ ٹرافی شہر میں گھومائی جائے لیکن سیکورٹی وجوہات کی وجہ سے ٹرافی شہر میں نہیں گھمائی جاسکی۔ اسد علی ترین نے کہاکہ سیکورٹی وجوہات کی وجہ سے شائقین کو مدعو نہیں کیا گیا بلوچستان میں جلد انٹرنیشنل کرکٹ فعال کریں گے اس وقت صوبے میں ریجنل لیول کرکٹ ٹورنامنٹ ہورہے ہیں۔