سب کو ساتھ لیکر چلنا چاہتے ہیں ، اپوزیشن کے بائیکاٹ سے مایوسی ہوئی، راحیلہ درانی

کوئٹہ(اسٹاف رپورٹر)صوبائی وزیرتعلیم راحیلہ حمید درانی نے کہا ہے کہ اپوزیشن اراکین کا ٹرانسفر پوسٹنگ کی وجہ سے محکمہ تعلیم کی بریفنگ کا بائیکاٹ کرنے سے مایوسی ہوئی ، ہم نے جہاد کے طور پر محکمہ تعلیم کے لئے کام کرنا ہے ، یہ بات انہوں نے جمعہ کو بلوچستان اسمبلی کے اجلاس کے بعد صحافیوں سے بات چیت کرتے ہوئے کہی ۔ صوبائی وزیر تعلیم راحیلہ حمید درانی نے کہا کہ ہم سب کو ساتھ لیکر چلنا چاہتے ہیں ، ہمیں بریفنگ دینے کا موقع دیا جانا چاہیے تھا ، ضلع خضدار کے بہت سارے اسکولوں کو فعال کیا گیا ہے ، ہم نوجوانوں کو روزگار دینا چاہتے ہیں ، اسکولز کو سہولیات فراہم کرنے کے لئے اقدامات اٹھائے ہیں ، کالجز کے لئے ٹیچنگ ٹریننگ پروگرام شروع کیا ۔ انہوں نے کہا کہ میٹرک کے سالانہ امتحانات میں نقل کے روک تھام کیلئے حکومت پر عزم ہے۔