وزیر اعلیٰ تھے نہ انکی کابینہ، بات کس سے کرتے ،ہدایت الرحمان

کوئٹہ(اسٹاف رپورٹر)جماعت اسلامی کے صوبائی امیر رکن اسمبلی مولانا ہدایت الرحمٰن نے کہا ہے کہ بلوچستان اسمبلی کے اجلاس میں وزیراعلیٰ اپنی کابینہ کے ہمراہ موجود نہیں تھے ، ہم کس سے بات کرتے ، یہ بات انہوں نے جمعہ کو بلوچستان اسمبلی کے اجلاس کے بعد صحافیوں سے بات چیت کرتے ہوئے کہی ۔ انہوں نے کہا کہ ایوان کی سنجیدگی سب کے سامنے ہے ، ہمیں علم ہے کون کتنا سنجیدہ ہے ، بریفنگ کے نام پر سال گزار دیا گیا ، وزیراعلیٰ اپنی کابینہ کے ہمراہ موجود نہیں تھے ، ہم کس سے بات کرتے ، پارلیمنٹ کو مذاق بنادیا گیا ہے ۔