دینہ،مخالفین نے ایک خاندان کی2خواتین سمیت4افراد قتل کردیئے

لاہور،دینہ (نمائندہ جنگ،نامہ نگار) تھانہ منگلا کے علاقہ بھرٹہ میں نامعلوم افراد نے فائرنگ کر کے 2 خواتین سمیت 4 افراد کو قتل کر دیا، پانچ ملزمان کو برطانیہ فرارہوتےسیالکوٹ ایئرپورٹ پر گرفتار کرلیا گیا۔ریسکیو ذرائع کے مطابق مقتولین کا تعلق ایک ہی خاندان سے ہے، جن میں 33 سالہ عدیلہ کنول، 60 سالہ سکینہ ارشد، 40 سالہ ابرار حسین اور 35 سالہ مبشر ارشد شامل ہیں۔ پولیس کی ابتدائی تحقیقات کے مطابق مقتولین کی رنجش چل رہی تھی۔ایف آئی اے کے مطابق گرفتار ملزمان میں مجتبیٰ، مرتضیٰ، ہارون، ظہیر اور چوہدری فیصل شامل ہیں، ملزمان کو منگلا کینٹ پولیس کے حوالے کردیا۔ ملزمان نے قتل کر کے برطانوی پاسپورٹ پر بیرون ملک فرار ہونے کی کوشش کی، ملزمان فلائٹ نمبر EK619 کے ذریعے برطانیہ فرار ہو رہے تھے، گرفتار ملزمان جہلم پولیس کو مطلوب تھے جن کے خلاف گزشتہ روز تھانہ منگلا کینٹ میں مقدمہ درج ہوا تھا۔