خان آف قلات کے ہربوئی بنگلہ کو مسمار کرنا شرمناک ہے ،بی این پی

کوئٹہ(پ ر)بلوچستان نیشنل پارٹی کے مرکزی پریس ریلیز میںکہا گیاہے کہ گزشتہ دنوں خان آف قلات کے ہر بوئی بنگلہ جسے اگربلوچوں کا گھر کہا جائے تو بے جا نہ ہوگا۔ گھر کو جدید اسلحوں سے سیکیورٹی فورسز کی جانب سے مسمار کرنا انتہائی شرم ناک واقعہ اور بزدلانہ اقدام ہے خان آف قلات جو بلوچوں کے حقیقی حکمران ہیں ان کے خلاف ایسے اقدامات ناقابل قبول اور ناقابل برداشت ہیں دانستہ طور پہ بلوچوں کو مشتعل کرنے کی کوشش کی جا رہی ہے اور فارم 47 کے حکمران جو بے اختیار ہیں اور ان کے تمام تر اختیارات اسٹیبلشمنٹ کے پاس ہیں اور اب بھی بلوچستان میں بے دردی کے ساتھ طاقت کا بے جا استعمال کیا جا رہا ہے اس سے قبل جتنے آپریشن کیے گئے ہیں اس کے کیا نتائج برامد ہوئے جو اب ہوں گے انہی جعلی حکمرانوں نے اپنے گروہی مفادات کی خاطر کہیں سالوں سے یہی رٹ لگائے رکھے ہیں کہ بلوچستان کے سیاسی معاملات طاقت کے ذریعے حل ہوں گے جو غلط ثابت ہوئے بیان میں کہا گیا کہ اس انتہائی نامناسب اقدام کے خلاف باریک بینی سے تحقیقات کرائی جائے اور اس میں ملوث اہلکاروں کے خلاف کاروائی کی جائے اگر ایسا نہیں کیا جاتا تو یہ امر واضح ہے کے موجودہ حکمران اور سیکیورٹی فورسز دانستہ طور پہ حالات کو مزید خراب کرنا چاہتے ہیں اور ان اقدامات کی وجہ سے نفرت بڑھ رہی ہے او ر حالات بڑی تیزی کے ساتھ ابتری کی جانب گامزن ہیں ۔ بیان میں میں کہا گیا کہ کسی کو یہ اختیار نہیں کہ وہ چادر اور چار دیواری کے تقدس کو مجروح کرے۔