گرماگرمی بعد ارمغان نے مصطفیٰ کو فائرنگ کرکے قتل کیا

کراچی( ثاقب صغیر/اسٹاف رپورٹر )پولیس کے مطابق مقتول مصطفیٰ اور ملزم ارمغان آپس میں دوست تھے جبکہ ملزم ارمغان اور شیراز بھی دوست تھے۔پولیس نے بتایا کہ ملزم شیراز کے مطابق 6 جنوری کی شب ارمغان کے گھر میں ہم بیٹھے ہوئے تھے کہ ملزم ارمغان اور مصطفیٰ کے درمیان باتوں باتوں میں گرما گرمی ہوئی جس پر ملزم ارمغان نے اپنے پاس موجود رائفل سے فائرنگ کر کے اسے قتل کر دیا۔پولیس کے مطابق ملزم شیراز نے بتایا ہے کہ نیو ائیر نائٹ پر بھی دونوں کے درمیان چپقلش ہوئی تھی ۔ملزم ارمغان کی عمر 31 برس جبکہ مقتول کی 23 برس تھی۔