سینیٹ،انسانی سمگلنگ کی روک تھام اورتارکین وطن ترمیمی بل منظور

اسلام آباد(ایجنسیاں)سینیٹ میں تارکین وطن کی اسمگلنگ کی روک تھام سے متعلق ترمیمی بل 2025، روک تھام ٹریفیکنگ ان پرسنز ترمیمی بل 2025 اور امیگریشن آرڈنینس 1979 میں مزید ترمیم کا بل بھی منظور کیا گیا۔سیاسی جماعتوں کو پرامن جلسے منعقد کرانے کی اجازت سے متعلق قرارداد منظور کر لی گئی،فلور نہ ملنے پر اپوزیشن کے اراکین نے احتجاج کیا اور نعرے بازی کی۔پی ٹی آئی کی جانب سے پیکا ایکٹ کے خلاف قرارداد پیش کرنے سے پہلے ہی وزیر قانون نے کورم کی نشاندہی کی،کورم کی کمی کے باعث اجلاس پیر کی شام چار بجے تک ملتوی کر دیاگیا۔سینٹ کا اجلاس سینیٹر شیری رحمان کی زیر صدارت ہوا۔