چیف جسٹس سےIMF وفد کی ملاقات عدلیہ کی خودمختاری کے منافی ,علی ظفر

اسلام آباد( خصوصی رپورٹر) سینٹ میں نکتہ اعتراض پربات کرتے ہوئےسینیٹر علی ظفر نے چیف جسٹس سے آئی ایم ایف وفد کی ملاقات کو عدلیہ کی خودمختاری اور وقار کے منافی قرار دیااورکہا اسلام آباد ہائیکورٹ میں ججز کی تقرری اور پیکا ایکٹ کے نفاذ سے عوام کا موجودہ حکومت اور عدلیہ سے اعتبار اٹھ گیا ہے پارلیمنٹ اور جوڈیشری ہمارے لئے اہم ہیں حکومت نے صرف قرضہ لینے کے شوق میں آئی ایم ایف سے معاہدہ کیا کہ وہ چیف جسٹس سے عدلیہ کے پارے میں پوچھے کیا ہمارا کوئی ادارہ کسی دوسرے ملک کے نظام انصاف کے بارے میں پوچھ سکتا ہے، چیف جسٹس نے حکومت کی درخواست پر یہ ذمہ داری نبھائی اور ہر اس ادارے کو وہ ذمہ داری نبھانی پڑیگی یہ ایک مثال بن گئی ہے جس پر اگلی حکومتوں کو بھی عمل کرنا ہوگا عوام ناراض ہیں حکومت انکی مرضی کے مطابق نہیں بنائی گئی عوام سے احتجاج کا حق چھین لیا گیا ہے میڈیا کو حکومت نے سنسر کردیا۔