KPحکومت کے 2وفودافغانستان جائیں گے ‘ٹی اوآرزتیار

پشاور(ایجنسیاں )خیبر پختونخوا حکومت نے اپنے دو وفود کو افغانستان بھیجنے کا فیصلہ کیا ہے جس کے لیے ٹی اوآرز تیارکر لئے گئے ہیں ۔مشیراطلاعات کے پی بیرسٹرمحمد علی سیف کو رابطہ کاری کیلئے فوکل پرسن نامزد کیا گیا ہے‘ خیبرپختونخواحکومت مذاکرات کیلئے وفاقی حکومت سے رابطے میں رہے گی۔مشیر اطلاعات خیبر پختونخوا بیرسٹر محمد علی سیف نے وفود افغانستان بھیجنے کی تصدیق کرتے ہوئے کہا کہ افغان طالبان سے بات چیت کیلئے دو وفود افغانستان جائیں گے‘پہلاوفد مذاکرات کے لیے ماحول سازگاربنائے گا اور سفارتی امور نمٹائیگا جبکہ دوسرا وفد کئی اسٹیک ہولڈرز پر مشتمل ہوگا۔ٹی او آرز کے مطابق وفد بھیجنے کا مقصدکراس بارڈر ٹرائبل ڈپلومیسی مضبوط کرنے کے علاوہ اقتصادی اور معاشرتی تعلقات کو فروغ دینا ہے۔