سعودیہ میں ’’ایمرجنگ مارکیٹ اکنامیز کانفرنس‘‘، وزیرخزانہ اورنگزیب شریک

اسلام آباد نیوز ایجنسی ) وفاقی وزیر خزانہ سینیٹر محمد اورنگزیب سعودی عرب کے تاریخی شہر العلا میں العلا کانفرنس فار ایمرجنگ مارکیٹ اکنامیز میں پاکستان کی نمائندگی کر رہے ہیں، کانفرنس میں 200 شرکا، 36 مقررین اور 48 ممالک کے نمائندے شریک ہیں۔وزارت خزانہ کی جانب سے اتوار کو یہاں جاری اعلامیہ کے مطابق وفاقی وزیر خزانہ سعودی ہم منصب محمد الجدان کی خصوصی دعوت پر کانفرنس میں شریک ہیں۔ کانفرنس آئی ایم ایف اور سعودی وزارت خزانہ کے اشتراک سے منعقد کی جا رہی ہے۔وفاقی وزیر خزانہ سینیٹر محمد اورنگزیب ’’ابھرتی ہوئی پر استقلال منڈیوں کا راستہ‘‘کے موضوع پر اعلیٰ سطحی پینل مباحثے میں شرکت کریں گے۔پینل مباحثے کی میزبانی آئی ایم ایف کی ایم ڈی کرسٹالینا جارجیوا کریں گی جبکہ مصر، برازیل اور ترکیہ کے وزرائے خزانہ بھی مباحثے میں شریک ہوں گے۔العلا کانفرنس ابھرتی ہوئی منڈیوں اور ترقی پذیر معیشتوں کے درمیان عالمی معاشی پالیسی سازی کے لیے ایک سالانہ پلیٹ فارم بنے گی۔