برطانیہ، سعودیہ سمیت10ملکوں کے مزید 30 مسافر کراچی ایئرپورٹ پر آف لوڈ

کراچی( افضل ندیم ڈوگر) وفاقی تحقیقاتی ادارے ایف ائی اے کے امیگریشن سیل کے عملے نے کراچی ایئرپورٹ سے برطانیہ، آذربائیجان، ملائشیا، سعودیہ سمیت10ملکوں کے مزید 30 مسافروں کو آف لوڈ کر دیا۔ امیگریشن ذرائع کے مطابق گزشتہ 24 گھنٹے کے دوران کراچی سے 14 عمرہ زائرین کو سعودی عرب جاتے ہوئے ایڈوانس ہوٹل بکنگ اور اخراجات کے لیے مناسب رقم نہ ہونے پر پروازوں سے اتارا گیا۔ سعودی عرب کے ورک اور وزٹ ویزا کے 3، عمان وزٹ ویزا کے 2، قبرص 1، سری لنکا 3، برطانیہ کے اسٹوڈنٹ ویزا کے 1، آذربائیجان کے اسٹڈی ویزہ کے 1، ملائیشیا وزٹ ویزا 1،صومالیہ ورک ویزا 1، عراق اور ایران وزٹ ویزا کے 3 مسافروں کو آف لوڈ کیا گیا۔