سال دو سال میں بلاول بھٹو وزیر اعظم بن جائینگے،گورنر پنجاب

اٹک (صباح نیوز)گورنر پنجاب سردار سلیم حیدر نے کہا ہے کہ سال دو سال میں بلاول بھٹو وزیر اعظم بن جائینگے، دو چار سڑکیں اور فنڈز کیلئے منتیں کرنے کا عادی نہیں ہوں۔ گورنر پنجاب سردار سلیم حیدر نے میڈیا سے گفتگو کرتے ہوئے کہا کہ بلاول بھٹو وزیر اعظم بنیں گے تو زیادہ فنڈز اٹک میں استعمال کرینگے، پیپلز پارٹی سے بہتر کوئی جماعت نہیں ۔ سردار سلیم حیدر نے کہا کہ دوسری جماعتوں کی قیادت میں کسی سے ہاتھ ملاتے وقت تکبر کی جھلک نظر آتی ہے۔ جہاں حقوق اور ایشوز کی بات ہو گی۔ وہاں میں عوام کے ساتھ کھڑا ہوں اور کھڑا رہوں گا۔