پنجاب میں مریم کی کارکردگی پر پیپلز پارٹی دباؤ محسوس کرتی ہے، عظمیٰ بخاری

لاہور(نیوز ایجنسی) وزیر اطلاعات پنجاب عظمی بخاری نے کہا ہے کہ مریم نواز کی کارکردگی سے پیپلز پارٹی کو پریشر محسوس ہوتا ہے، گورنر پنجاب کے کہنے سے کوئی وزیر اعظم بنے گا اور نہ ہٹے گا، گورنر پنجاب تو بہت کچھ کہتے رہتے ہیں، ان کی باتوں کو سنجیدہ نہ لیا کریں، ان کی باتوں سے کوئی فرق نہیں پڑتا۔نجی ٹی وی سے گفتگو کرتے ہوئے انہوں نے کہا کہ سندھ کے تاجروں نے مریم نواز کی انتظامی کارکردگی کی تعریف کی تو ان کی شامت آ گئی تھی، مجھے معلوم ہوا کہ وزیر اعلیٰ سندھ نے اپنے ترجمانوں کو کہا ہے کہ سیٹ بیلٹ باندھ لیں۔