رواں سال زکوٰۃ کا نصاب ایک لاکھ 79ہزار 689روپے مقرر

اسلام آباد (کامرس رپورٹر) رواں سال کے لئے زکوٰۃ کا نصاب ایک لاکھ 79ہزار 689روپے مقرر کر دیا گیا۔ وزارت تخفیف غربت و سماجی تحفظ نے بینکوں سے، بچت اکائونٹ، پی ایل ایس یا اس طرح کے دیگر اکائونٹ سے ایک لاکھ 79ہزار 689روپے پر زکوٰۃ منہا کرنے کا نوٹیفکیشن جاری کیا ہے۔ یکم رمضان المبارک کو ایک لاکھ 79ہزار 689روپے یا زائد رقم پر زکوٰۃ منہا کی جائے گی جبکہ اس سے کم رقم پر زکوٰۃ منہا نہیں کی جائے گی۔