کورنگی ، لوٹ مار میں ملوث ملزم کو شہری نے فائرنگ کرکے ہلاک کردیا

کراچی(اسٹاف رپورٹر)شہر میں ڈکیتی کی بڑھتی ہوئی وارداتوں کے خلاف شہریوں نے ہتھیار اٹھالیا ،کورنگی میں مبینہ طور پر لوٹ مار میں ملوث ملزم کو شہری نے فائرنگ کرکے ہلاک کردیا،رواں ہفتہ شہریوں کی فائرنگ سے ہلاک ہونا والا یہ چوتھا ڈاکو ہے،تفصیلات کے مطابق کورنگی کے علاقے باغ کورنگی ملت سی این جی پمپ کے قریب شہری کی فائرنگ سے شخص ہلاک ہوگیا،فائرنگ کی اطلاع پرپولیس اور ریسکیو اہلکاروں نے موقع پرپہنچ کر متوفی کی لاش کو اسپتال منتقل کیا،پولیس کاکہناہےکہ شہری کی فائرنگ سے ہلاک ہونے والے شخص ڈاکو ہے اور وہ اپنے ساتھیوں کے ساتھ ملکر کار سوار شہری کو لوٹنے کی کوشش کررہا تھا شہری نے ملزمان پر فائرنگ کردی جس کے نتیجے میں ایک ڈاکو موقع پر ہلاک جبکہ اسکے دیگر ساتھی فرار ہوگئے۔