قومی اسمبلی میں وزراءکی عدم موجودگی پرPPP/JUIکی تنقید،دلچسپ تبصرے

اسلام آ باد ( رانا غلام قادر )قومی اسمبلی میں وفاقی وزراء کی عدم موجودگی پر پیپلز پارٹی اور جے یو آئی کی جانب سے کڑی تنقید ، پینل آف چیئر مین کے رکن عبد القادر پٹیل نے بھی دلچسپ ریمارکس دیے۔ عبد القادر پٹیل نے کہا کہ اب تو وزراء کی بہت بڑی تعداد ہے ،اب تو وزیر ایوان میں موجود ہونے چاہئیں ،یا ان میں مزید اضافہ کرنا ہوگا۔ پیپلز پارٹی کے نوید قمر نے کہا جب پاکستان کی تاریخ کی سب سے بڑی کابینہ بنائی ہے تو پھر کیوں کوئی وزیر نہیں ، وزیر مملکت نہیں ،کوئی جواب دینے کے لیے تیار نہیں ہے،بہتر ہے پھر استعفیٰ دے کے گھر چلےجائیں۔ وقفہ سوالات کی کار روائی شروع ہوئی تو پہلا سوال پیپلز پارٹی کی شر میلا فاروقی کا تھا ، ضمنی سوال کا جواب دینے کیلئے وزیر تونائی اویس خا ن لغاری موجود نہیں تھے۔جے یو آئی ف کے نور عالم خان نے کہا کہ گزشتہ ایک سال سے یہ روایت بن گئی ہے۔