اسلام آباد اور لاہور ہائیکورٹس میں سپر ٹیکس سے متعلق اپیلیں سپریم کورٹ منتقلی کا حکم

اسلام آباد(آئی این پی) سپر ٹیکس کیس میں اسلام آباد اورلاہور ہائیکورٹ میں زیرالتوا اپیلیں سپریم کورٹ منتقلی کا حکم دیدیا گیا۔ جسٹس محمد علی مظہر نے دوران سماعت استفسار کیا کہ مقدمات منتقلی کیلئے تحریری درخواست ضروری ہے یا نہیں؟جس پر وکیل مخدوم علی خان نے کہا کہ عدالت سوموٹو اختیار استعمال کرکے بھی مقدمات منتقل کرسکتی ہے۔ سپریم کورٹ میں سپر ٹیکس کیس کی سماعت ہوئی، جسٹس امین الدین خان کی سربراہی میں بنچ نے سماعت کی،وکلا نے مقدمات ہائیکورٹس میں زیرالتوا ہونے کی نشاندہی کردی، وکلا نے کہاکہ لاہور اور اسلام آباد ہائیکورٹ میں انٹراکورٹ اپیلیں زیرالتوا ہیں۔