جسٹس جواد حسن کے گھریلو سرکاری ملازم نے خودکشی کرلی

راولپنڈی(راحت منیر/اپنے رپورٹرسے) لاہور ہائی کورٹ راولپنڈی بنچ کے جسٹس جواد حسن کے گھریلو سرکاری ملازم نے خودکشی کرلی ہے۔واقعہ کی اطلاع ملتے ہی جسٹس جواد حسن لاہور چلے گے۔زرائع کے مطابق حسنین کئی برسوں سے جسٹس جواد حسن کے گھر پر تعینات تھا۔جس نے گارڈ کی رائفل سے خود کو گولی مار کر زندگی کا خاتمہ کیا۔ذرائع کے مطابق حسنین کو کسی گھریلو پریشانی میں مبتلا تھا۔وقوع کے وقت حسنین نے گھر پر تعینات پولیس اہلکار کو کہا کہ تم جائو اور رائفل مجھے دے جائو۔بعد میں اس نے خود کو گلی مار لی۔واقعہ کی اطلاع ملتے ہی لاہور ہائی کورٹ کے حکام بھی جسٹس جواد حسن کی رہائش گاہ پر پہنچ گے۔تحقیقات کا آغاز کردیا گیا ہے۔