بیور وکریسی تقر ر وتبادلے ؛پیمرا میں 4 سال کی مدت کیلئے 5 ارکان کی تقرری

اسلام آباد( رانا غلام قادر ) وفاقی بیور وکریسی میں تقر ر وتبادلے کئے گئے ہیں۔ پیمرا میں 4 سال کی مدت کیلئے 5ارکان کی تقرری کی گئی ہے۔اسٹیبلشمنٹ ڈویژن نے پیمرا کے ارکان کی تقرری کے باضابطہ نوٹیفکیشن جاری کر د یے ہیں۔ صدرِ مملکت نے وفاق و صوبوں سے پیمرا میں ایک، ایک ممبر مقرر کرنےکی منظوری دی ۔صباحت رفیق ممبر پنجاب، حیدر نقوی ممبر سندھ، افتخار فردوس ممبر خیبرپختونخوا پیمرا مقررعائشہ ایوب ودود ممبر بلوچستان، ڈاکٹر راشد ولی جنجوعہ ممبر فیڈرل کیپٹل اسلا م آ باد پیمرا مقرر کئے گئے ہیں۔ در یں اثناءڈپٹی سیکریٹری وزارتِ نیشنل فوڈ سیکیورٹی نجیب اکرم کا تبادلہ کر کے اُنہیں ڈپٹی سیکریٹری وزارتِ ہاؤسنگ اینڈ ورکس تعینات کیا گیا ہے جبکہ سیکشن افسر انعم ہمایوں کا اوورسیز پاکستانیز ڈویژن سے کابینہ ڈویژن تبادلہ کیا گیا ہے۔ اسٹیبلشمنٹ ڈویژن نے تقرر و تبادلوں کے باضابطہ نوٹیفکیشن جاری کر د یے ہیں۔