وفاقی کابینہ نے ICCکو انکم ٹیکس چھوٹ کی منظوری دے دی

اسلام آباد( رانا غلام قادر ) وفاقی کابینہ نے اقتصادی رابطہ کمیٹی کےاجلاس میں کئے گئے فیصلہ کی توثیق کرتے ہوئے آئی سی سی کے لیے انکم ٹیکس چھوٹ کی منظوری دے دی ہے کویت بھیڑ،بکریوں کی برآمدپرپابندی ہٹانے کی سمری موخر،پاورڈویژن کیلئے 6 ارب86کروڑ تکنیکی گرانٹ بھی منظور ۔ ذرائع کے مطابق یہ منظوری کابینہ کے گزشتہ روز ہونے والے اجلاس میں دی گئی ۔یہ منظوری آئی سی سی چیمپنز ٹرافی2025 کے تناظر میں دی گئی۔اس ٹیکس چھوٹ سےکسی قسم کے ریونیو کےنقصانات کاخدشہ نہیں ہے۔پاکستانی ریزیڈنٹس اورپی سی بی کے لیےٹورنامنٹ سےحاصل آمدنی پرانکم ٹیکس لاگوہوگا۔سیلزٹیکس اورفیڈرل ایکسائز ڈیوٹی سےکوئی چھوٹ نہیں دی جائےگی۔ کابینہ نےکویت کےلیے بھیڑاوربکریوں کی برآمدپرپابندی ہٹانے کی سمری موخرکر نے کی بھی منظوری دی ۔ کابینہ نے پاورڈویژن کےلیے6 ارب86کروڑ روپےکی تکنیکی ضمنی گرانٹ کی بھی منظوری دی ۔پاکستان ایل این جی اور سوکارکےدرمیان فریم ورک معاہدے میں3 سال توسیع کی بھی منظور ی دی گئی ۔پاکستان کوضرورت پڑنےپرماہانہ ایک ایل این جی کارگوخریدنے کی اجازت ہوگی۔ یادرہے کہ ای سی سی کا اجلاس بیس فروری کو ہو اتھا۔