امریکہ :بگولوں کے طوفان سے ہلاکتوںکی تعداد 19ہوگئی

واشنگٹن(اے ایف پی)امریکہ میں بگولوں کے طوفان کے نتیجے میں ہلاکتوںکی تعداد 19 ہوگئی۔سب سے زیادہ ریاست میسوری متاثر ہوئی ،جہاں 11افراد ہلاک ہوگئے ۔ ٹیکساس میںچار ہلاکتیں ہوئیں۔ارکنساس کی گورنر سارہ ہکابی سینڈرز نے ہفتے کے روز ہنگامی حالت کا اعلان کردیا ،جہاںتین افراد ہلاک اور 29 زخمی ہو گئے۔جارجیا کے گورنر برائن کیمپ نے ہفتے کے روز ہنگامی حالت کا اعلان کیاجہاں ایک شخص جاں بحق ہوا۔ آج ریاست میں شدید موسم کی پیش گوئی کی گئی ہے۔محکمہ موسمیات نے مزید بگولوں کے خطرے سے خبردارکردیا۔