ہاکی فیڈریشن کا ہیڈ کوارٹر اسلام آباد منتقل کیا جارہا ہے،طارق بگٹی

کراچی( نصر اقبال،اسٹاف رپورٹر) پاکستان ہاکی فیڈریشن کا دفتر ہیڈ کوارٹر لاہور سے اسلام آباد منتقل کیا جارہا ہے،جس کا مقصد اخراجات کو کم کرنا ہے، جبکہ لاہور کے دفتر سے عملے میں کٹوٹی کا بھی امکان ہے، پی ایچ ایف کے صدر طارق بگٹی نے بات چیت میں کہا کہ کسی کے ساتھ ناانصافی نہیں ہوگی،دفتر لاہور سے اسلام آباد منتقل ہورہا ہے،جرمنی کے خلاف جونیئر سیریز کے بارے میں انہوں نے کہا کہ کھلاڑیوں کو مزید تجربہ دلانے کی کوشش کررہے، جس میں غیر ملکی ٹیموں کے ساتھ مقابلے شامل ہیں، انہوں نے کہا کہ جونیئر ٹیم کی انتظامیہ کو ابھی کھلاریوں پر زیادہ محنت کی ضرورت ہے، چار میچوں میں جرمنی کے خلاف شکست اچھی علامت نہیں، سنیئر ٹیم انتظامیہ طاہر زمان کی قیادت میں اچھا کام کررہی ہے قومی سنیئر اور جونیئر ٹیموں کو اس سال کئی اہم مقابلوں میں حصہ لینا ہے جس کی تیاری جاری رہے گی،انہوں نے کہا کہ رانا مجاہد علی خان ہی پی ایچ ایف کے سکریٹری ہیں ، جن کے ساتھ میرے بہترین ورکننگ ریلیشن ہے، ہمارے درمیان اختلافات کی خبریں بے بنیاد ہیں۔