پاکستان میں کسی بھی بڑے پراجیکٹ کے پیچھے نواز لیگ ہی کھڑی نظر آئیگی،رانا تنویر

فیروزوالہ(نامہ نگار)پاکستان میں کسی بھی بڑے پراجیکٹ کو دیکھ لیں پیچھے نواز لیگ کھڑی نظر آئے گی،رانا تنویر حسین،شیخوپورہ موٹروے ایم 2 پر کوٹ پنڈی داس کے قریب پنڈی داس انٹرچینج کی افتتاحی تقریب،وفاقی وزیر برائے مواصلات عبدالعلیم خان تقریب کے مہمان خصوصی تھے وفاقی وزیر رانا تنویر حسین نے تقریب کی میزبانی کی۔شیخوپورہ کے کمرشل زون،رہائشی آبادی اور نزدیکی گاؤں کیلئے 802 ملین روپے کی لاگت تیار کیا گیا پنڈی داس انٹرچینج کا منصوبہ فنکشنل ہوگیا،انٹرچینج پر ایک ایڈمنسٹریشن عمارت، سولر اسٹریٹ لائٹس، فینس اینڈ گارڈریل،710میٹر کی سٹون بیچنگ اور ایک ٹول پلازہ بھی تعمیر کیا گیا،اس موقعہ پر وفاقی وزیر مواصلات عبدالعلیم خان نے بھی خطاب کیا،وفاقی وزیر رانا تنویر حسین نے کہا کہ وزیراعظم شہباز شریف کی دن رات محنت سے پاکستان ترقی کی راہ پر گامزن ہے،آج آپ جس بھی بڑے منصوبے کو اٹھا کر دیکھ لیں اسکے پیچھے آپ کو پاکستان مسلم لیگ نواز کھڑی نظر آئے گی،ملک کو درپیش چیلنجز اور خوارجیوں کا مقابلہ ہمیں ایک قوم بن کر کرنا ہوگا،جعفر ایکسپریس پر حملہ بزدلانہ کام ہے دہشت گردی کسی صورت برداشت نہیں کی جائے گی۔ہماری بہادر افواج،ایجنسیاں اور قانون نافذ کرنے والے ادارے جلد اس پر قابو پا لیں گے۔