اسلام کی روشنی نے خواتین کوعزت سے نواز،صوبائی وزیر سپیشلائزڈ ہیلتھ

لاہور ( جنرل رپورٹر )فاطمہ جناح میڈیکل یونیورسٹی میں خواتین کے عالمی دن کی مناسبت سے آگاہی سیمینا رہوا۔وزیر صحت پنجاب خواجہ سلمان رفیق نے بطور مہمان خصوصی شرکت کی۔ پنجاب اسمبلی کے پارلیمنٹیرینز جن میں چیئرمین سٹینڈنگ کمیٹی اسپیشلائزڈ ہیلتھ کئیر اینڈ میڈیکل ایجوکیشن ڈیپارٹمنٹ عدنان افضل چٹھہ ، پارلیمانی سیکرٹری ہیلتھ رشدہ لودھی، سونیہ عاشر ، سمبل ملک ، اور شہباز کھوکھر نے بطور گیسٹ آف آنر شرکت کی۔ وزیر صحت پنجاب خواجہ سلمان رفیق نے خواتین کو بھرپور خراج تحسین پیش کیا۔ انہوں نے صنفی مساوات کی اہمیت پر زور دیا۔ انہوں نے کہاکہ اسلام کی روشنی ہے جس نے خواتین کو عزت سے نوازا۔ دنیا کا کوئی ملک اس وقت تک ترقی نہیں کر سکتا جب تک کہ قوم کے مردوں کے ساتھ خواتین بھی ملکی ترقی میں شانہ بشانہ حصہ نہ لیں۔ ایک متوازن معاشرہ ہی ترقی کی راہ پر گامزن ہو سکتا ہے ۔سیمینار سے قبل اجلاس منعقد ہوا جس میں وائس چانسلر پروفیسر ڈاکٹر خالد مسعود گوندل نے یونیورسٹی کی حالیہ کارکردگی، رینکنگ اور کامیابیوں پر تفصیلی بریفنگ دی۔ ا ممبر پارلیمنٹرین سونیہ عاشرنے کہاکہ مریم نواز شریف نے وومن ایمپاورمنٹ کی بہترین مثال قائم کیں۔پارلیمانی سیکرٹری ہیلتھ محترمہ رشد ہ لودھی نے کہاکہ ہر کامیاب عورت کو کے پیچھے بھی ایک مرد کاسہارا ہوتا ہے۔ عدنان افضل چٹھہ نے کہا کہ خواتین ہمارے ملک کا بہت بڑا اثاثہ ہیں۔اس موقع پر سابقہ وائس چانسلرز پروفیسر شیریں خاور، پروفیسر شمسہ ہمایوں، سابق پرنسپل پروفیسر نورین اکمل، ڈینز پروفیسر منزہ اقبال، پروفیسر منیزہ قیوم، پرنسپل پروفیسر عبدالحمید، رجسٹرار پروفیسر ڈاکٹر محمد ندیم،چیئرپرسن میڈیسن/ ڈائریکٹر کوالٹی انہانسمنٹ سیل پروفیسر بلقیس شبّیر، صدر میڈیکل وومن ایسوسی ایشن آف پاکستان ڈاکٹر وجیہہ رضوان، خواتین فیکلٹی ممبران اور طالبات کی کثیر تعداد نے شرکت کی۔