ارمغان کے خلاف گھیرا مزید تنگ ہونے لگا

کراچی ( اسٹاف رپورٹر ) مصطفیٰ عامر قتل کیس کے مرکزی ملزم ارمغان کے خلاف گھیرا مزید تنگ ہونے لگا ہے۔ پراسیکیوشن نے ملزم ارمغان کے خلاف درج تمام مقدمات کی تفصیلات مانگ لی۔ پراسیکیوٹر جنرل سندھ نے ڈسٹرکٹ پراسیکیوٹر جنرل سے رپورٹ طلب کرلی۔ پراسیکیوٹر جنرل سندھ نے کہا ہے کہ بتایا جائے ملزم ارمغان کے خلاف کے کتنے مقدمات درج ہیں اور ان کیسز کا اسٹیٹس کیا ہے۔ ملزم ارمغان کے خلاف منشیات فروشی، وکیل کو دھمکانے اور دیگر وارداتوں کے مقدمات ضلع ساؤتھ کے تھانوں میں درج ہیں۔