امن قائم ہونے تک ترقی کا خواب شرمندہ تعبیر نہیں ہوگا،حمزہ شہباز

لاہور(خصوصی نمائندہ) مسلم لیگ ن کے نائب صدر و سابق وزیر اعلیٰ پنجاب حمزہ شہباز نے کہا ہے کہ ملک میں مکمل طور پر امن قائم ہونے تک ترقی کا خواب شرمندہ تعبیر نہیں ہوگا،ملک سے دہشت گردی کے مکمل خاتمے کے عزم میں پوری قوم افواج پاکستان کے شانہ بشانہ کھڑی ہے۔ ان خیالات کا اظہار انہوں نے شملہ پہاڑی آمد پر ن لیگ کے آفس سیکرٹری و دیرینہ کارکن گڈو شاہ کی وفات پر ان کے اہلخانہ سے اظہار افسوس کے بعد کارکنوں سے گفتگو کرتے ہوئے کیا ۔ حمزہ شہباز نے کہا کہ گڈو شاہ ایک محنتی ایماندار کارکن تھے، انہوں نے پارٹی کیلئے بہت خدمات انجام دیں۔