جماعت اسلامی کابلدیاتی الیکشن میں بھرپورتیاری سے حصہ لینے کافیصلہ

لاہور(نیوزر )جماعت اسلامی پی پی 172 کا اجلاس متوقع بلدیاتی انتخابات کی تیاری کے حوالے سے دفتر جماعت اسلامی لاہور میں منعقد ہوا۔ جس میں صدر سیاسی امور صوفی خلیق احمد بٹ، نائب صدر جناب ملک محمد الیاس اور سیکریٹری سیاسی امور جماعت اسلامی وسطی جناب طارق الطاف ٹیپو، سابقہ ٹکٹ ہولڈر پی پی 172 جناب عدنان چٹھہ، امیر جماعت اسلامی پی پی 172 جناب حافظ حماد سہیل اور مقامی متوقع امیدواران بلدیاتی انتخابات نے شرکت کی۔ اجلاس میں بلدیاتی انتخابات میں پوری تیاری کے ساتھ اترنے کا فیصلہ کیا گیا۔ صدر سیاسی امور جماعت اسلامی لاہور صوفی خلیق احمد بٹ نے اجلاس کے شرکاء سے خطاب کرتے ہوئے کہا کہ جماعت اسلامی نے بلدیاتی انتخابات کے حوالے سے عوامی رابطہ مہم کو تیز تر کرنے کے منصوبہ بندی کرلی ہے ۔لاہور کے ہر صوبائی حلقہ زون میں بلدیاتی کنونشن منعقد کیے جائیں گے۔