بائیکو پٹرولیم کا نام تبدیل کر کے سنرجی پاک لمیٹڈرکھنے کااعلان

کراچی( اسٹاف رپورٹر) بائیکو پٹرولیم پاکستان لمیٹڈ (بی پی پی ایل) نے اپنا نام تبدیل کر کے سنرجی پاک لمیٹڈ ( Cnergyico Pk Limited) کرنے کا اعلان کیا ہے ، ترجمان بائیکو کے مطابق پاکستان کی سب سے بڑی آئل ریفائنری نے اعلان کیا ہے کہ وہ اپنا نام بائیکو پٹرولیم سے بدل کرسنرجی پاک لمیٹڈ کرے گی۔ اس موقع پر تبصرہ کرتے ہوئے عامر عباسی، چیف ایگزیکٹو آفیسر سنرجی پاک لمیٹڈ نے کہابوسیکور (Bosicor) سے بائیکو اور پھر Cnergyico تک کا سفر دشوار لیکن دلچسپ تھا۔ کمپنی کے قیام سے ہی جدت نے ایک اہم کردار ادا کیا ہے جس کے نتیجے میں ، گزشتہ سالوں میں، ہم ایک آئل کمپنی سے ایک اسٹریٹجک آئل ریفائننگ اور مارکیٹنگ کمپنی میں تبدیل ہو گئے ہیں۔ انہوں نے کہا کہ موجودہ عالمی وبائی اور مالیاتی بحران کی روشنی میں تیل اور گیس کے شعبے میں نمایاں تبدیلیاں رونما ہوئی ہیں اور یہ سلسلہ ابھی بھی جاری ہے۔