سید ذکریا علی شاہ سپریم کورٹ کےایڈیشنل رجسٹرار ایڈمن تعینات

اسلام آباد (نمائندہ جنگ) سول سروسز سے تعلق رکھنے والے افسر سید ذکریا علی شاہ کو سپریم کورٹ میں ایڈیشنل رجسٹرار (ایڈمن) تعینات کر دیا گیا ہے۔ سپریم کورٹ کی جانب سے جاری اعلامیہ کے مطابق سید ذکریا شاہ توانائی، انفراسٹرکچر، اقتصادی ترقی، غیر ملکی تجارت سمیت مختلف شعبوں میں 30 سال سے زائد عرصہ کے تجربہ کے حامل ہیں۔ سید ذکریا شاہ متعدد وفاقی وزارتوں اور محکموں میں اعلیٰ عہدوں پر خدمات انجام دے چکے ہیں۔ وہ حال ہی میں وزارت توانائی (پاور ڈویژن) میں ایڈیشنل سیکرٹری، وزارت نیشنل فوڈ سیکورٹی اینڈ ریسرچ میں سینئر جوائنٹ سیکرٹری اور وزارت پٹرولیم میں جوائنٹ سیکرٹری کے طور پر خدمات انجام دے چکے ہیں۔