سکھر میں ریلوے اراضی خیراتی اسپتال کو صرف ایک روپے فی مربع گز لیز پر دینے کا انکشاف

اسلام آباد(نمائندہ جنگ) پبلک اکاؤنٹس کمیٹی میں انکشاف کیا گیا ہے کہ پاکستان ریلوے کی اراضی الشفاء ٹرسٹ آئی اسپتال سکھر کو صرف 1 روپے فی مربع گز لیز پر دے دی گئی آڈٹ حکام نے انکشاف کیا کہ فلاحی مقصد کے لیے دی گئی زمین کمرشل مقاصد کے لیے استعمال ہو رہی ہے،ہسپتال نے زمین سب لیز پر دی، شادی لان قائم کیا، اور موبائل ٹاورز لگانے کی اجازت دی، کمرشل مقاصد سے پاکستان ریلوے کو 46 کروڑ روپے کا نقصان ہوا،پی اے سی نے 10 دنوں میں ملوث ریلوے حکام کے خلاف کارروائی کی ہدایت کردی،پبلک اکاؤنٹس کمیٹی کا اجلاس چیئرمین کمیٹی جنید اکبر کی زیر صدارت منعقد ہوا، پی اے سی میں وزارت ریلوے سے متعلق آڈٹ اعتراضات کا جائزہ لیا گیا۔