موڈیز نے مارکیٹ میں اتار چڑھاؤ پر منافع کی پیش گوئی کم کر دی

کراچی (جنگ نیوز) موڈیز نے منگل کو پہلی سہ ماہی میں زیادہ منافع رپورٹ کیا تاہم مارکیٹ میں اتار چڑھاؤ کے باعث اس نے سال بھر کے دوران منافع کی توقعات کو کم کر دیا۔مالیاتی جانچ پرکھ کی کمپنی کے حصص جو کارپوریٹ اور حکومتی بانڈز کی ساکھ کی درجہ بندی کے لیے مشہور ہے ابتدائی گھنٹی سے پہلے 2 فیصد گر گئے۔پیش گوئی میں کمی ایسے وقت میں سامنے آئی ہے جب امریکی تجارتی پالیسی میں اتار چڑھاؤ کے باعث خلل کے خدشات نے کمپنیوں کو قرض کے اجرا کو روکنے پر مجبور کر دیا ہے۔تاجر موڈیز کے نتائج کا بغور جائزہ لیتے ہیں تاکہ بانڈ مارکیٹ کے رجحانات کا اندازہ لگایا جا سکے کیونکہ کمپنی کی وسیع رسائی کے پیش نظر یہ قرض کی طلب کا ایک قابل اعتماد پیمانہ ثابت ہو سکتا ہے۔اب اسے توقع ہے کہ 2025 کے لیے فی شیئر 13.25 اور 14 ڈالرکے درمیان آمدنی ہوگی جس میں ایک بار کی لاگت شامل نہیں ۔