امریکی وفدسے عمران کی کوئی ملاقات نہیں ہوئی ‘سلمان اکرم

راولپنڈی(ایجنسیاں)تحریک انصاف کے سیکریٹری جنرل سلمان اکرم راجاکاکہنا ہے کہ فیصل چوہدری عمران خان سے مل کر آئے ہیں مگر امریکی وفد کی بانی پی ٹی آئی سے کوئی ملاقات نہیں ہوئی‘بیک ڈور کوئی بات نہیں ہورہی‘انفرادی سطح پر کوئی بات کرتا ہے تو اس کا مجھے علم نہیں‘اسٹیبلشمنٹ حواس باختہ ہے‘بانی پی ٹی آئی نے مجھے چیف جسٹس کو خط لکھنے کو کہا ہے۔ منگل کو اڈیالہ جیل کے باہر میڈیا سے گفتگو کرتے ہوئے سلمان اکرم راجا کا کہناتھاکہ ملاقاتوں پر میرا موقف واضح ہے کہ یہ انتظامیہ سے پوچھا جائے کیوں امتیاز برتا جارہا ہے۔