FBR ،تقرریاں اور تبادلے، 13 افسران نے نئے عہدے سنبھال لیے

اسلام آباد (رپورٹ: حنیف خالد) اعلیٰ سطح پر تقرریاں اور تبادلے، 13افسران نے نئے عہدے سنبھال لیے وفاقی بورڈ آف ریونیو (ریونیو ڈویژن)، حکومت پاکستان نے نوٹیفکیشن نمبر 0845-IR-II/2025 مورخہ 22 اپریل 2025 کو جاری کر دیا ہے، جس میں متعدد افسران کے چارج میں رد و بدل کی اطلاع دی گئی ہے۔ یہ تبدیلیاں بورڈ کے پہلے سے جاری شدہ نوٹیفکیشن نمبر 0627-IR-II/2025 مورخہ 15 اپریل 2025 کی روشنی میں کی گئی ہیں۔اس نوٹیفکیشن کے مطابق، محترمہ رابعہ یاسمین نے ڈپٹی کمشنر-انکم ٹیکس LTO لاہور کا چارج چھوڑ کر 15اپریل 2025سے ایڈیشنل کمشنر-انکم ٹیکس LTO لاہور کا چارج سنبھال لیا ہے۔